Ego Odilo abba et pastor monacorum Sancti Petri Cluniacensis monasterii et omnis congregatio ejusdem ecclesie monacorum. Notam fieri volumus commutationem terrarum quam facimus com quodam milite, Constancio nomine, presentibus et futuris hominibus. Nos damus nempe eidem Constancio campum in villa que dicitur Massiliacus, jure hereditario perpetualiter possidendum, in longitudine ejusdem hominis alodo desuper terminatum, deorsum terra Sancti Vincencii, et in latitudine de uno latere terra Sancti Johannis, de altero terra Sancti Marini. Predictus scilicet miles largitur nobis duos campos sup monte qui dicitur Mons Bosonancius; primus campus ex parte montis ab ipso monte terminatur, deorsum vero terra Sancti Petri et terra Vuitberti, de altera parte terra Sancti Petri, et de quarto latere terra Guntardi et fratrum ejus; alter namque campus terra Sancti Petri terminatur superius et subterius, ex duabus partibus de ipsa hereditate. Hanc videlicet commutacionem ex utroque corde laudamus et manibus propriis firmamus, manibusque et auctoritate monacorum et fidelium nostrorum firmari facimus. S. donni Odilonis abbatis. S. Vuarnerii prioris. S. Rotberti. S. Odonis. S. Constancii, predicti commutatoris. S. ... S. ... S. ...